"Манчестер Юнайтед" ҳужумчиси Беньямин Шешко "Вест Хэм"га қарши кечган ўйин (1:1) борасидаги фикрлари билан ўртоқлашди.
Айнан словениялик футболчи 96-дақиқада рақиб дарвозасини ишғол этиб, "қизил иблислар"ни Лондондаги мағлубиятдан қутқариб қолди.
"Бизда ажойиб жамоа бор, биз ҳамжиҳатликда ишлаймиз ва доимо курашамиз. Бугун ҳеч бўлмаганда дурангга эришиш муҳим эди, чунки рақиб қарши ҳужумларда жуда хавфли ўйнади. Якунда ҳисобни тенглаштиришга муваффақ бўлдик.
Биз ҳали ҳам ўзимизни ажойиб ҳис қилмоқдамиз. Қийин лаҳзаларда жамоа бирдамликни сақлаб қолмоқда, бу жуда муҳим. Шунчаки сўнгги ўйинлардаги ишимизни давом эттиришимиз керак. Диққатни жамлаб, юзага келган имкониятлардан фойдаланиш лозим", — деди Шешко "TNT Sports"га берган интервьюсида.
Эслатиб ўтамиз, "Манчестер Юнайтед" Майкл Кэррик қўл остидаги аввалги тўртта учрашувнинг барчасида ғалаба қозонган эди. Ушбу дурангдан сўнг жамоа турнир жадвалида 4-ўринни сақлаб қолди.
