Мадриднинг «Реал» клуби ярим ҳимоячиси Жуд Беллингем февраль ойи бошида «Райо Вальекано»га қарши кечган учрашувда сонининг орқа мушагидан жароҳат олган эди.
Журналист Рамон Альварес де Моннинг маълумотларига кўра, инглиз футболчисининг жароҳати аввал кутилганидан анча жиддийроқ бўлиб чиқиши мумкин. Дастлаб ярим ҳимоячи бир ойни ўтказиб юбориши хабар қилинганди.
Бироқ эндиликда Беллингем жароҳатдан бу қадар тез тиклана олмаслиги маълум бўлди. У икки ойгача майдонга туша олмаслиги мумкин, шу сабабли фақат апрель ойига келибгина сафга қайтиш хавфи бор.
