"Барселона" ижтимоий тармоқларда ҳужумчи Маркус Рэшфорднинг ҳолати бўйича маълумот эълон қилди. Каталония клубининг хабар беришича, инглиз футболчиси "Мальорка"га қарши ўйинда олган зарбасидан сўнг чап тиззасида оғриқ ҳис қилмоқда.
Рэшфорд "Атлетико"га қарши бўлиб ўтадиган Испания Кубогининг яқинлашиб келаётган баҳсини ўтказиб юборади, деб таъкидлайди "кўк-анорранглилар" матбуот хизмати.
Маълумки, 28 ёшли Маркус Рэшфорд "Барселона"да ижара асосида тўп сурмоқда. У "кўк-анорранглилар" сафида 34 та ўйинда майдонга тушиб, 10 та гол ва 13 та голли узатмани ўз ҳисобига ёздириб қўйишга улгурди.
"Атлетико" ва "Барселона" Испания Кубоги ярим финалида 12 февраль куни тўқнаш келишади. Ўйин Тошкент вақти билан тунги соат 01:00 да бошланади. Жавоб учрашуви эса 3 март кунига белгиланган.
