«Челси» клубининг собиқ бош мураббийи Энцо Мареска «Тоттенхэм»ни бошқариши мумкин.
«MatchDayCentral» нашри берган маълумотларга кўра, Томас Франк истеъфога чиқарилгач, «шпорлар» янги устоз қидиришни бошлаб юборишган. Италиялик мутахассис ушбу лавозимга асосий номзодлардан бири бўлиб турибди. «Тоттенхэм» раҳбарияти Маресканинг футбол фалсафасига юқори баҳо бермоқда, шу сабабли яқин вақт ичида у билан алоқага чиқиши кутилмоқда.
Энцо Мареска 2024 йилдан 2026 йилгача «Челси»ни бошқарган эди. У жорий йилнинг 1 январь куни истеъфога чиқарилди. Унинг қўл остида «кўклар» Конференциялар лигаси ва клублар ўртасидаги жаҳон чемпионатида ғолиб чиқишган.
Ҳозирда «Тоттенхэм» Англия Премьер-лигаси турнир жадвалида 16-ўринни эгаллаб турибди. Лондон клубини хавфли ҳудуддан атиги беш очко ажратиб турибди.
