Мадриднинг «Реал» клуби кийиниш хонасида икки юлдуз футболчи ўртасида даҳанаки жанг бўлиб ўтди. Бу воқеа Ла Лига доирасидаги «Леванте»га қарши яқинда ўтказилган ўйиннинг танаффусида юз берган.

Таъкидланишича, «Реал» футболчиларидан бири бошқасига шундай деган: «Ҳатто голлар ураётган бўлсанг ҳам, сен яхши ўйнамаяпсан».

Футболчиларнинг исмлари ошкор этилмаган. Ушбу инсайдни «The Touchline» нашри тез-тез «El Chiringuito» кўрсатувида чиқиш қиладиган журналист Хуанфре Сансга таяниб келтирмоқда. «Реал» ва «Леванте» жамоалари 17 январда тўқнаш келишган эди.

Биринчи бўлимда гол урилмаган, танаффусдан сўнг «қаймоқранглилар» Килиан Мбаппе (пенальтидан) ва Рауль Асенсио томонидан киритилган голлар эвазига 2:0 ҳисобида ғалаба қозонишган.