«Манчестер Сити» Англия чемпионатининг 26-тури доирасида ўз майдонида «Фулхэм»ни қабул қилиб, 3:0 ҳисобида ишончли ғалабага эришди. «Этихад» стадионида кечган баҳсда барча голлар биринчи бўлимнинг ўзидаёқ киритилди.
Ўйиннинг 24-дақиқасида Антуан Семеньо ҳисобни очган бўлса, орадан олти дақиқа ўтиб Нико О'Райли орадаги фарқни оширди. 39-дақиқада эса Эрлинг Холанд якуний ҳисобни ўрнатди.
Ҳамюртимиз Абдуқодир Ҳусанов 60-дақиқада Матеус Нунес ўрнига ўйинга қўшилди.
Ушбу ғалабадан сўнг «Манчестер Сити» очколари сонини 53 тага етказиб, турнир жадвалида 2-ўринда бормоқда ва пешқадам «Арсенал» билан орадаги фарқни 3 очкогача қисқартирди. «Фулхэм» эса 34 очко билан 12-поғонада қолди.
Англия Премьер-лигасининг 26-туридан ўрин олган «Манчестер Сити» ва «Фулхэм» жамоалари ўртасидаги учрашув тафсилотларини тақдим этаман:
Англия Премьер-лигаси. 26-тур | «Этихад» стадиони
Манчестер Сити — Фулхэм — 3:0
Голлар: Семеньо, 24 (1:0); О`Райли, 30 (2:0); Холанн, 39 (3:0).
Манчестер Сити (Асосий таркиб): Доннарумма, Рубен Диаш, Гехи, Аит Нури, Матеус Нунес, Родри, О`Райли, Бернарду Силва, Семеньо, Фоден, Холанн.
Захирадан тушганлар: Ҳусанов (60), Рейндерс (60), Гонсалес (71), Шерки (71), Мармуш (46).
Фулхэм (Асосий таркиб): Лено, Басси, Андерсен, Сессеньон, Тете, Берге, Ивоби, Смит-Роу, Чуквуэзе, Уилсон, Хименес.
Захирадан тушганлар: Рид (81), Кинг (60), Родригу Мунис (60), Бобб (72), Кевин (60).
Огоҳлантиришлар: Бернарду Силва (41), Фоден (66), Гонсалес (83) — Андерсен (31).
