«Тоттенхэм» яқиндагина Томас Франкни бош мураббийлик лавозимидан озод этганини эълон қилди.

Премьер-лиганинг 26-тури доирасида ўз майдонида «Ньюкасл»дан қабул қилинган мағлубият (1:2) «шпорлар» раҳбарияти учун сўнгги томчи бўлди. Журналист Мэтт Лоунинг хабар беришича, даниялик мутахассис «Тоттенхэм» футболчиларига тез-тез «Арсенал»ни ўрнак қилиб кўрсатган ва бу суҳбатлар баъзи ўйинчиларнинг жонига теккан. Франк доимий равишда Микель Артета жамоасини мақтаб келган, бу эса якунда рақибга нисбатан ҳаддан ташқари катта эътибор сифатида қабул қилинган.

Ҳозирда «Тоттенхэм» Англия чемпионати турнир жадвалида 16-ўринни эгаллаб турибди. «Арсенал» эса биринчи поғонани сақлаб қолмоқда.