«Сандерленд» ва «Ливерпуль» ўртасида ноёб учрашув бўлиб ўтди. Ҳар икки жамоанинг асосий таркибида майдонга тушган 22 нафар футболчи орасида бирорта ҳам инглиз ўйинчиси йўқ эди.
«Opta» хабарига кўра, бу Англия Премьер-лигаси тарихидаги атиги тўртинчи шундай ҳолатдир. Бунгача бундай воқелик «Арсенал»нинг «Портсмут» (2009) ва «Челси» (2019) билан баҳсларида, шунингдек, ўтган йили «Фулхэм» ва «Манчестер Сити» ўртасидаги ўйинда кузатилган эди.
Учрашувда «Ливерпуль» «Сандерленд» устидан минимал ҳисобда ғалаба қозонди. Ягона голни 61-дақиқада мисрлик Муҳаммад Салоҳнинг узатмасидан сўнг нидерландиялик Виргил ван Дейк киритди.
26 турдан кейин «қизиллар» турнир жадвалида олтинчи, «қора мушуклар» эса 11-ўринни эгаллаб турибди.
