"Бавария" яримҳимоячиси Йозуа Киммих "РБ Лейпциг"га қарши ўйиндан кейин ўз фикрларини билдириб ўтди.

Германия кубогининг чорак финал учрашуви 2:0 ҳисобида якунланди. Киммихнинг тан олишича, "Бавария" дастлабки 20 дақиқада тўпни етарлича назорат қилмаган ва кўплаб хатоларга йўл қўйган.

"Иккинчи бўлимда устунлик қилдик. Ҳужумда хавфли эдик, ўйин тақдирини ҳал қилдик ва хотиржамлик билан ўйинни охирига етказдик. Энг муҳими, рақибга кўплаб вазиятлар яратишига ва дарвозамизга гол уришига йўл қўймадик", - дея Киммихнинг сўзларини келтиради Bayern & Germany.

Германия кубоги ярим финалида "Бавария" "Штутгарт", "Фрайбург" ёки "Байер"га қарши баҳс олиб боради.