Дортмунднинг "Боруссия" клуби ярим ҳимоячиси Карни Чуквуэмека 2026 йилги жаҳон чемпионатига бориш учун Австрия фуқаролигини олиши мумкин. Бу ҳақда The Athletic хабар бермоқда.
22 ёшли хавбек Англия ёшлар терма жамоасида ўйнаган, бироқ мамлакат бош жамоаси сафида бирорта ҳам учрашув ўтказмаган. Эслатиб ўтамиз, Чуквуэмека Айзенштадтда нигерияликлар оиласида туғилган.
Карни Германия Бундеслигасининг жорий мавсумида 18 та жанг ўтказиб, ўз ҳисобига 2 та гол ёздириб қўйди. Ярим ҳимоячининг дортмундликлар билан шартномаси 2030 йилнинг ярмигача мўлжалланган. Футболчининг трансфер нархи 25 миллион еврони ташкил этади.
