"Бавария" яримҳимоячиси Йозуа Киммих ҳимоячи Дайо Упамекано билан шартномани узайтириши мумкинлиги ҳақида гапирди.

"Мен у билан бу ҳақда бир неча бор гаплашдим. У менинг фикримни билади. Лекин бу масалани ўзи ҳал қилади. Упамекано ўзи учун тўғри қарор қабул қилади. Менинг фикримча, бу ерда қолиш аниқ тўғри қарор. Унинг нуқтаи назаридан роль ўйнайдиган барча омилларни баҳолай олмайман. Аммо "Бавария"нинг таклифи ҳозир жуда жозибали деб ўйлайман", - деди Киммих Bild нашрига берган интервьюсида.

Упамекано "Бавария"га 2021 йилда "Лейпциг"дан 42 миллион евро эвазига ўтганди. Унинг шартномаси 2026 йилнинг 30 июнига қадар имзоланган. Франциялик футболчи жорий мавсум Мюнхен клуби сафида 28 та ўйинда майдонга тушди ва 1 та гол ҳамда 1 та голли узатмага муаллифлик қилди.