"Ливерпул"нинг собиқ сардори Стивен Жеррард "Челси" яримҳимоячиси Коул Палмер ҳақида фикр билдирди.
"Палмернинг қайтиши бошқа клубларда жиддий хавотир уйғотмоқда. У шунчаки гол урадиган футболчи эмас, майдондаги кучлар нисбатини бутунлай ўзгартирадиган футболчи. Палмер формада бўлганида "Челси" бутунлай бошқача кўринади", - дея Жеррарднинг сўзларини келтиради ТНТ Sports.
Коул Палмер 2023 йилда "Манчестер Сити"дан 47 миллион евро эвазига "Челси"га ўтганди. Унинг "кўклар" билан шартномаси 2033 йилнинг 30 июнига қадар мўлжалланган.
Жорий мавсумда ярим ҳимоячи Лондон клуби сафида барча мусобақаларда 18 та ўйинда майдонга тушиб, 9 та гол урди ва 3 та голли узатмани амалга оширди.
