«Ювентус» ҳимоячиси Федерико Гатти шу ёзда жамоани тарк этиши мумкин.
«Tuttosport» нашрининг хабарига кўра, Турин клуби футболчини сотиш вариантини кўриб чиқишга тайёр. Бунга асосий сабаб сифатида жамоа бош мураббийи Лучано Спаллетти уни эндиликда «дахлсиз» футболчилар қаторига қўшмаётгани кўрсатилмоқда.
Шунингдек, ҳимоячининг йиллик 3 миллион евро (аниқроғи 3,1 млн евро) миқдоридаги маоши ҳам клуб раҳбариятини ўйлантириб қўйган. «Ювентус» Гаттининг майдондаги ўйини бундай юқори маошга тўлиқ лойиқ эмас деб ҳисобламоқда. Маълумот ўрнида, Гатти 2025 йилнинг июль ойида клуб билан шартномасини узайтирган ва маоши сезиларли даражада оширилган эди.
Федерико Гатти 2022 йилда «Фрозиноне»дан «Ювентус»га 9 миллион евро эвазига ўтган. Унинг «кекса синьора» билан амалдаги шартномаси 2030 йилнинг 30 июнига қадар мўлжалланган. Жорий 2025/2026 йилги мавсумда ҳимоячи барча мусобақаларда 17 та ўйинда майдонга тушиб, 2 та гол уришга муваффақ бўлди. «Transfermarkt» портали футболчининг айни дамдаги бозор қийматини 20 миллион еврога баҳоламоқда.
