УЕФА президенти Александер Чеферин Европа Суперлигаси лойиҳасининг ниҳоят барҳам топганига муносабат билдирди. Сўнгги беш кун ичида лойиҳанинг охирги иштирокчилари — «Барселона» ва «Реал Мадрид» ҳам ундан воз кечганини эълон қилди.
"Реал" ва "Барселона" яна оиламизга қўшилганидан жуда хурсандман. Ростини айтсам, ҳаммамиз бу баҳс-мунозаралардан чарчагандик. "Реал" президенти билан келишмовчиликларимиз бўлди, лекин бир нарсани аниқлаштириб олсак: биз ҳеч қачон бир-биримизга бўлган ҳурматни ва ўйинга бўлган муҳаббатимизни йўқотмаганмиз. Бу вазиятда ягона ғолиб — футбол", — дея Чефериннинг сўзларини келтирмоқда «FOX Sports».
Маълумки, Суперлига лойиҳасини Флорентино Перес жуда фаол қўллаб-қувватлаб келаётган эди. Дастлаб лойиҳани Европанинг 12 та гранд клуби бошлаган, бироқ улардан 9 таси мухлисларнинг кескин норозилигидан сўнг тезда бу фикрдан воз кечганди. Кейинроқ «Ювентус», яқинда эса Испаниянинг икки гиганти ҳам Суперлигани тарк этди.
