«Манчестер Сити» ҳужумчиси Эрлинг Холанд яқин келажакда клубини ўзгартириш имкониятини истисно қилмаяпти, айниқса, Хосеп Гвардиола мавсум якунида жамоани тарк этиши мумкин бўлган бир пайтда. «El Nacional» нашрининг хабарига кўра, Холандни «Реал Мадрид»да тўп суриш варианти ўзига жалб қилмоқда.
Манбанинг таъкидлашича, юлдуз норвегиялик Мадрид клубига ўтишга рози, бироқ фақат бир шарт билан: агар Юрген Клопп мураббийлик курсисида Альваро Арбелоани алмаштирса.
Қайд этилишича, Клопп «Реал»га келган тақдирда Винисиус Жуниорни «қурбон қилиши» мумкин — Мадрид клуби бразилиялик футболчини шартномаси тугашига бир йил қолганда сотиб юбориши эҳтимолдан холи эмас. Ушбу трансфердан тушадиган маблағ Холанннинг трансферини молиялаштиришга ёрдам бериши мумкин.
Нуфузли «Transfermarkt» портали 25 ёшли Эрлинг Холандни 200 миллион еврога баҳоламоқда.
