“Навбаҳор” Туркиядаги ўқув-машғулот йиғини доирасидаги навбатдаги халқаро ўртоқлик баҳсларини 12 февраль куни Россиянинг “Балтика” ва Қозоғистоннинг “Актобе” жамоаларига қарши ўтказишни режалаштирганди.

Россияликлар билан бўладиган учрашув ноқулай об-ҳаво ҳамда майдон сифатсиз ҳолатга келганлиги боис, қолдирилди.

Қозоғистонликларга қарши кечадиган беллашув эса ўтказилди. Мазкур ўйинда наманганликлар бош мураббийи Тимур Кападзе майдонга қуйидаги футболчиларни туширди: Ўткир Юсупов, Анри Чичинадзе, Умар Адҳамзода, Қувондиқ Рўзиев, Шоҳмалик Комилов, Шоҳруҳ Абдураҳмонов, Аббосжон Ғуломов, Ваня Илич, Русланбек Жиянов ва кўрикдаги яна 2 нафар футболчи.

Захирадан майдонга тушганлар: Муҳаммадали Усмонов, Зафарбек Раҳимжонов ҳамда кўрикдаги футболчи.

Ушбу учрашувда “Актобе” беллашувнинг сўнгги, яъни, 90-дақиқасида захирадан майдонга туширилган ярим ҳимоячи Аян Байдеулатовнинг голи эвазига 1:0 ҳисобида ғалаба қозонди.

“Лочинлар” Туркия йиғини доирасидаги сўнгги ўйинни 16 февраль куни Грузиянинг совриндор жамоаларидан бири бўлган “Динамо” (Тбилиси)га қарши ўтказишади.