Рафаэль Варан УЕФА ва «Реал» ўртасида Европа Суперлигаси масалалари бўйича эришилган келишувга муносабат билдирди.

«Реал», Европа клублари ассоциацияси ва УЕФА ўртасидаги тарихий келишув — жаҳон футболи учун ажойиб янгилик.

Бу бизга барча масалаларда: клублар келажаги, ўйинларнинг мухлислар учун қулайлиги, технологиялар ривожи ва энг муҳими — тақвим ҳамда футболчилар саломатлиги борасида олдинга ҳаракат қилиш имконини беради. Тезкорлик билан ҳаракат қилиш зарур.

Мен учун «Реал»да тўп суриш катта шараф бўлган, Флорентино Перес ва унинг қарашлари билан яхши танишман. Агар у келишувга қўл қўйган бўлса, демак, бундан биринчи навбатда ашаддий футбол мухлислари ютишини ва футболчилар яхшироқ ҳимоя қилинишини билади. Флорентино спортимиз манфаатлари йўлида ҳаракат қилади ва буни яна бир бор исботлади.

Биргаликда олдинга интилиш вақти келди ва мен ушбу жараённинг бир қисми эканлигимдан хурсандман", — деб ёзди «Реал»нинг собиқ ҳимоячиси.