Rafael Varan UYEFA va «Real» o‘rtasida Yevropa Superligasi masalalari bo‘yicha erishilgan kelishuvga munosabat bildirdi.
«Real», Yevropa klublari assosiasiyasi va UYEFA o‘rtasidagi tarixiy kelishuv — jahon futboli uchun ajoyib yangilik.
Bu bizga barcha masalalarda: klublar kelajagi, o‘yinlarning muxlislar uchun qulayligi, texnologiyalar rivoji va eng muhimi — taqvim hamda futbolchilar salomatligi borasida oldinga harakat qilish imkonini beradi. Tezkorlik bilan harakat qilish zarur.
Men uchun «Real»da to‘p surish katta sharaf bo‘lgan, Florentino Peres va uning qarashlari bilan yaxshi tanishman. Agar u kelishuvga qo‘l qo‘ygan bo‘lsa, demak, bundan birinchi navbatda ashaddiy futbol muxlislari yutishini va futbolchilar yaxshiroq himoya qilinishini biladi. Florentino sportimiz manfaatlari yo‘lida harakat qiladi va buni yana bir bor isbotladi.
Birgalikda oldinga intilish vaqti keldi va men ushbu jarayonning bir qismi ekanligimdan xursandman", — deb yozdi «Real»ning sobiq himoyachisi.
