"Реал Мадрид" марказий ҳимоячиси Антонио Рюдигер майдонга қайтишга тайёргарлик кўрмоқда.

32 ёшли футболчи жароҳати туфайли "Лос Бланкос"нинг сўнгги саккизта ўйинини ўтказиб юборди, аммо "Реал Сосьедад"га қарши бўлажак Ла Лига ўйинида майдонга тушиши кутилмоқда, деб хабар беради Marca.

Мадрид бош мураббийи Алваро Арбелоа тажрибали немис футболчисини Чемпионлар Лигасида Португалиянинг "Бенфика" жамоасига қарши ўйинга тайёрламоқчи ва марказий ҳимоячи Лиссабон жамоасига қарши майдонга тушиши мумкин.

Рюдигернинг сўнгги ўйини 8 январь куни бўлиб ўтди, ўшанда у "Реал Мадрид"га Испания Суперкубоги ярим финалида "Атлетико Мадрид"ни мағлуб этишда ёрдам берган эди. "Реал Сосьедад"га қарши ўйин 14 февраль, шанба куни бўлиб ўтади.