Бугун Ўзбекистон Биринчилигининг иккинчи босқич ўйинларига старт берилади. Хабарингиз бор, ёзги йиғинлар давомида "Оқтепа"да кўплаб футболчилар кўрикдан ўтди. Улар орасида тажрибали ўйинчилар билан бир қаторда иқтидорли ёшлар ҳам бўлди. Александр Токов бошчилигидаги мураббийлар штаби кўрикдан ўтган футболчилар орасидан 6 нафарини танлаб олди.

Аҳамиятлиси, тайёргарликнинг сўнгги кунларида 2003 йил БААда бўлиб ўтган ёшлар ўртасидаги жаҳон чемпионатида терма жамоамиз шарафини ҳимоя қилган ҳимоячи Шавкат Раимқулов ҳам “Оқ-тепа” сафига қўшилди. Раимқулов мавсумнинг биринчи қисмини олий лига вакили “Шўртан”да ўтказган эди.

Жамоага келиб қўшилганлар:
Маъруф Зокиржонов (“Пахтакор-2”)
Шавкат Раимқулов (“Шўртан”)
Жасур Умаров (“Қўқон-1912”)
Бобур Абдураҳмонов (“Пахтакор-2”)
Илҳом Ражабов (“Динамо”)
Рафаэль Абдураҳмонов (“Локомотив”)