«Пари Сен-Жермен» бош мураббийи Луис Энрике ҳужумчи Усмон Дембеленинг кўрсатаётган ўйинлари ҳақида ўз фикрларини билдирди.
Мавсумнинг биринчи ярмини омадсиз ўтказган «Олтин тўп» соҳиби ўтган йилнинг охиридан бошлаб яна ажойиб сермаҳсуллик намойиш этмоқда: француз футболчиси сўнгги ўнта ўйинда еттита гол урди ва тўртта голли узатмани амалга оширди.
"Ўтган мавсумда ҳам, икки йил олдин ҳам худди шундай бўлган эди. Яқин-орада сиз менга унинг беқарорлиги ҳақида гапираётган эдингиз, энди эса унинг ўйинига қойил қолмоқдасиз. Усмон — ўзгармас. У соғлом ва яхши спорт формасида бўлган пайтида ҳайратланарли даражада кучли. Биз шунчаки у намойиш этаётган футболдан завқ олишимиз керак", — деди Энрике матбуот анжуманида.
