«Барселона» бош мураббийи Ханс-Дитер Флик Испания Кубоги ярим финалининг дастлабки учрашувида Мадриднинг «Атлетико» жамоасидан қабул қилинган йирик мағлубиятдан (0:4) сўнг ўз шогирдларини қўллаб-қувватлади.

«Матрасчилар» биринчи бўлимнинг ўзидаёқ тўртта гол уриб, «кўк-анорранглилар»ни ҳайратда қолдиришди. Меҳмонлар ҳатто тасалли берувчи голни ҳам ура олишмади ва вазиятни ўнглаш вазифасини ўз майдонларида ўтадиган жавоб ўйинига қолдиришди.

"Жамоамдан ҳафсалам пир бўлди, деб айта олмайман. Мен ҳали ҳам футболчиларим билан фахрланаман. Эҳтимол, бу бугунги ўйинга тааллуқли эмасдир, лекин умуман олганда, жорий мавсумда кўплаб жароҳатларга қарамай, футболчилар ишни аъло даражада уддалашмоқда. Биз қийинчиликларни яхши енгиб ўтяпмиз — муваффақиятсизликлардан кейин ўзимизни тиклашнинг доим уддасидан чиққанмиз. Умид қиламанки, бу сафар ҳам шундай бўлади", — деди Флик матбуот анжуманида.

Жавоб ўйини 3 март куни бўлиб ўтади.