"Манчестер Сити" ҳужумчиси Антуан Семеньо Англия Лига кубоги финалида "Арсенал"га қарши майдонга тушишни интиқлик билан кутмоқда.
"Бу ақл бовар қилмайдиган нарса. Тўғрисини айтсам, ҳеч қачон финалда бўлмаганман. Бу биринчи даражали жамоа иштирокидаги ажойиб финал бўлади. Бу лаҳзаларни ҳар бир футболчи орзу қилади. Бу воқеликда яшаётганим учун омадлиман", - деди Семеньо.
Эслатиб ўтамиз, Лига кубоги ярим финалида "шаҳарликлар" "Ньюкасл"ни, "канонирлар" эса "Челси"ни мағлуб этганди. "Арсенал" ва "Манчестер Сити" ўртасидаги Лига кубогининг ҳал қилувчи баҳси 22 март куни бўлиб ўтади.













