"ПСЖ" ва "Бавария" клубларининг собиқ ҳимоячиси Хуан Бернат футболчилик фаолиятини Испания чемпионатида давом эттиради. Бу ҳақда Onefootball журналистлари хабар бермоқда.
Манбага кўра, 32 ёшли футболчи "Эйбар"га эркин агент сифатида ўтган. Томонлар ўртасидаги меҳнат шартномаси жорий мавсум якунига қадар мўлжалланган.
Жорий мавсумда "Эйбар" Испания иккинчи дивизионида иштирок этмоқда. Жамоа 32 очко жамғариб, турнир жадвалида 14-ўринни эгаллаб турибди.
Ўтган мавсумда Бернат "Хетафе" ва "Вильярреал" клубларида ўйнаган. Ҳимоячи Ла Лигада 24 та ўйинда майдонга тушиб, 2 та голли узатмани амалга оширди.
