«Бавария» спорт директори Кристоф Фройнд жамоа ярим ҳимоячиси Александр Павловичнинг ўсиши ҳақида фикр билдирди.

"Бундай ёшда катта ишонч билан ўйнаш — бу алоҳида истеъдод. У ўз маҳоратини янада оширди, жуда кўп ишламоқда. У билан ишлаш қизиқарли ва академия ўйинчиси асосий жамоада мустаҳкам ўрин эгаллаши жуда ажойиб", — дея функционернинг сўзларини «Bayern & Germany» нашри келтирмоқда.

Жорий мавсумда 21 ёшли Павлович барча мусобақаларни ҳисобга олганда 30 та ўйинда майдонга тушиб, иккита гол урди ва битта голли узатма муаллифига айланди.

«Бавария» навбатдаги ўйинини 14 февраль куни «Вердер»га қарши ўтказади. Германия чемпионатининг 22-тур учрашуви Тошкент вақти билан соат 19:30 да бошланади.