«Реал» бош мураббийи Альваро Арбелоа матбуот анжуманида журналистлар олдида чиқиш қилди. Мутахассисга кутилганидек «Барселона»нинг натижаси ҳақида савол берилди — пайшанба куни каталонияликлар Испания Кубогида «Атлетико»га 0:4 ҳисобида имкониятни бой беришган эди. Бироқ Арбелоа ўз сўзлари билан қандайдир шов-шувли сарлавҳалар келиб чиқишига сабаб бўлмади.

«Барселона»нинг 0:4 ҳисобидаги мағлубияти? Бу борада изоҳ берадиган гапим йўқ. Бу ҳақда Фликдан сўранг», — деди Арбелоа.

Альваро Арбелоа «Реал»ни чемпионат доирасидаги «Реал Сосьедад»га қарши ўз майдонида кечадиган ўйинга тайёрламоқда. Жамоалар шанба куни, 14 февраль куни ўзаро майдонга тушишади.

Айни дамда «Реал» Ла Лига турнир жадвалида иккинчи ўринни эгаллаб турибди.