Лондоннинг «Тоттенхэм» клуби Томас Франк кетганидан кейин Игор Тудорни жамоанинг янги бош мураббийи этиб тайинлаш бўйича келишувга эришди. Бу ҳақда инсайдер Фабрицио Романо хабар бермоқда.
Лондонликлар хорватиялик мутахассис билан музокараларни якунлаб, жорий мавсум охиригача амал қиладиган шартноманинг асосий шартларини келишиб олдилар.
Хабар қилинишича, клуб раҳбарияти ҳал қилувчи учрашув ўтказган ва унинг якунларига кўра Тудор фойдасига якуний қарор қабул қилинган. Шартнома қисқа муддатли характерга эга бўлиб, мавсумнинг финал қисмида жамоа натижаларини барқарорлаштиришга қаратилган. Мураббий ва унинг вакили таклиф қилинган шартларга розилик билдиришган.
Тудорнинг тайинланиши Томас Франк билан хайрлашувдан сўнг юз берди. «Тоттенхэм» раҳбарияти бош мураббийнинг алмашиши жамоадаги вазиятни тезкорлик билан ўнглаш ва мавсумнинг муҳим палласида бошқарувни таъминлашга имкон беради деб ҳисобламоқда.
