Конрад Лаймер маошининг қарийб икки баравар оширилиши бўйича келишувга эришмоқчи.
«Get German Football News» нашрининг «Bild»нинг «Bayern Insider» подкастига таяниб хабар беришича, ярим ҳимоячининг «Бавария» билан шартномани узайтириш бўйича музокаралари қийин кечмоқда.
Австрия терма жамоаси аъзоси йилига 15 миллион евро маош олишни кутмоқда. Ҳозирда унга 8 миллион евро тўланади.
Таъкидланишича, яқин келажакда томонларнинг музокараларда силжишга эришиши амримаҳол, бироқ ҳали вақт бор: амалдаги шартнома 2027 йилгача мўлжалланган.
Ушбу мавсумда Лаймер Бундеслигада 17 та ўйин ўтказиб, 4 та голли узатмани амалга оширди.
