"Барселона" Европа клублари ассоциациясига аъзо сифатида қайта тикланганини эълон қилди.
"Кўк-анорранглилар" Европа Суперлигасида иштирок этишга қарор қилган пайтида ташкилотни тарк этган эди. Лойиҳа бекор қилинганидан сўнг, каталонияликлар EFCʼга қайтиш бўйича музокаралар олиб боришди.
Қайд этилишича, Европа клублари ассоциацияси директорлар кенгаши "Барселона"нинг аризасини бир овоздан маъқуллаган. Испания клуби оддий аъзо мақомини олди.
"Барселона" ушбу қарорни жуда ижобий баҳолайди ва футбол, мусобақалар ҳамда мухлислар манфаати йўлида бошқа Европа клублари билан ҳамкорлик қилишга содиқлигини яна бир бор тасдиқлайди", – дейилади клуб сайтидаги хабарда.
