Италия чемпионати 25-туридан ўрин олган учрашувда «Пиза» ўз майдонида «Милан»ни қабул қилди. Баҳс Пиза шаҳридаги «Арена Гарибальди — Ромео Анконетани» стадионида бўлиб ўтди. Учрашув 2:1 ҳисобида меҳмонлар фойдасига ҳал бўлди.

Ҳисобни биринчи бўлим сўнгида, 39-дақиқада меҳмонлар ярим ҳимоячиси Рубен Лофтус-Чик очди. Иккинчи бўлимнинг 56-дақиқасида миланликлар ҳужумчиси Никлас Фюллькруг пенальтидан фойдалана олмади.

71-дақиқада «Пиза» ярим ҳимоячиси Фелипе Лойола ҳисобни тенглаштирди. Учрашув якунига яқин, 85-дақиқада Лука Модрич «Милан»ни яна олдинга олиб чиқди. 90+1-дақиқада эса меҳмонлар ярим ҳимоячиси Адриен Рабьо қизил карточка олди.

Айни пайтда «Милан» 53 очко жамғарган ва 24 учрашувдан сўнг турнир жадвалида иккинчи ўринни эгаллаб турибди. Жамоа пешқадам «Интер»дан беш очкога орқада қолмоқда. «Пиза» эса 15 очко билан 19-ўринда бормоқда.

Италия — А серия, 25-тур
13 февраль 2026 йил,
«Пиза» — «Милан» — 1:2
Голлар: Лофтус-Чик (39) 0:1, Лойола (71) 1:1, Модрич (85) 1:2.
Четлатиш: Рабьо (90+1) — "Милан".