Франция чемпионати 22-туридан ўрин олган учрашувда «Ренн» ўз майдонида «ПСЖ»ни қабул қилди. Баҳс Ренн шаҳридаги «Роазон Парк» стадионида бўлиб ўтди. Учрашув 3:1 ҳисобида мезбонлар ғалабаси билан якунланди.

Учрашувдаги илк гол 34-дақиқада «Ренн» ҳужумчиси Мусса Ал-Тамарий томонидан киритилди. 69-дақиқада Эстебан Леполь мезбонлар устунлигини икки бараварга оширди. Орадан икки дақиқа ўтиб, «ПСЖ» форварди Усмон Дембеле ҳисобни қисқартирди. 81-дақиқада эса Брил Эмболо парижликлар дарвозасига учинчи голни урди ва ўйиндаги якуний ҳисобни ўрнатди — 3:1.

22 тур якунларига кўра, «ПСЖ» 51 очко билан мусобақа жадвалида пешқадам бўлиб турибди. «Ренн» эса 34 очко билан бешинчи ўринни эгаллаб турибди.

Кейинги турда «ПСЖ» 21 февраль куни ўз майдонида «Метц»ни қабул қилади. «Ренн» эса бир кун ўтиб сафарда «Осер» меҳмони бўлади.

Франция — Лига 1, 22-тур
13 февраль 2026 йил, жума.
«Ренн» — «ПСЖ» — 3:1
Голлар: Ал-Тамари (34) 1:0, Леполь (69) 2:0, Дембеле (71) 2:1, Эмболо (81) 3:1.