Fransiya chempionati 22-turidan o‘rin olgan uchrashuvda «Renn» o‘z maydonida «PSJ»ni qabul qildi. Bahs Renn shahridagi «Roazon Park» stadionida bo‘lib o‘tdi. Uchrashuv 3:1 hisobida mezbonlar g‘alabasi bilan yakunlandi.

Uchrashuvdagi ilk gol 34-daqiqada «Renn» hujumchisi Mussa Al-Tamariy tomonidan kiritildi. 69-daqiqada Esteban Lepol mezbonlar ustunligini ikki baravarga oshirdi. Oradan ikki daqiqa o‘tib, «PSJ» forvardi Usmon Dembele hisobni qisqartirdi. 81-daqiqada esa Bril Embolo parijliklar darvozasiga uchinchi golni urdi va o‘yindagi yakuniy hisobni o‘rnatdi — 3:1.

22 tur yakunlariga ko‘ra, «PSJ» 51 ochko bilan musobaqa jadvalida peshqadam bo‘lib turibdi. «Renn» esa 34 ochko bilan beshinchi o‘rinni egallab turibdi.

Keyingi turda «PSJ» 21 fevral kuni o‘z maydonida «Mets»ni qabul qiladi. «Renn» esa bir kun o‘tib safarda «Oser» mehmoni bo‘ladi.

Fransiya — Liga 1, 22-tur
13 fevral 2026 yil, juma.
«Renn» — «PSJ» — 3:1
Gollar: Al-Tamari (34) 1:0, Lepol (69) 2:0, Dembele (71) 2:1, Embolo (81) 3:1.