"Милан" вингери Кристиан Пулишични сотиб олиш учун айни дамда кимда энг катта имконият борлиги маълум бўлди.
"TEAMtalk" нашрининг таъкидлашича, ҳозирда Кристиан Пулишични ўз сафига қўшиб олиш борасидаги курашда Лондоннинг "Тоттенхэм" клуби пешқадамлик қилмоқда. 27 ёшли америкалик футболчининг вакиллари билан "Арсенал", "Ливерпуль" ва "Манчестер Юнайтед" клублари ҳам алоқага чиққан, бироқ энг фаол қизиқиш "шпорлар" томонидан билдирилмоқда. Шуни таъкидлаш жоизки, ёзда Пулишичнинг "Милан" билан амалдаги шартномаси тугашига атиги бир йил вақт қолади.
Ушбу мавсумда Пулишич барча турнирларни инобатга олган ҳолда 21 та ўйинда майдонга тушиб, рақиблар дарвозасини ўн бор ишғол қилди ва иккита голли узатмани амалга оширди. "Transfermarkt" мутахассислари футболчининг қийматини 60 миллион еврога баҳоламоқда.
