"Ювентус"нинг собиқ бош мураббийи Игор Тудор Лондоннинг "Тоттенхэм" клуби билан шартнома имзолади.

Фабрицио Романонинг хабар беришича, келишув фақат 2025/2026 йилги мавсум якунига қадар мўлжалланган, шундан сўнг клуб бошқа номзодни тасдиқлайди.

Аввалроқ "шпорлар" Томас Франкнинг бош мураббийлик лавозимидан истеъфога чиқарилганини эълон қилган эди. "Тоттенхэм" АПЛда 26 турдан кейин 29 очко билан турнир жадвалида 16-ўринда бормоқда.

Шу билан бирга, жамоа Европа Лигасининг амалдаги ғолиби ҳисобланади, бироқ лондонликлар бу муваффақиятга Анге Постекоглу билан эришишган эди. Франк эса "Тоттенхэм"ни 2025 йилнинг ёзида қабул қилиб олганди.

Клуб ҳозирча Тудорнинг тайинланганини расман эълон қилмади.