Италия А Сериясининг 25-тури доирасидаги сафар ўйинида "Милан" "Пиза"ни 2:1 ҳисобида минимал фарқ билан мағлуб этди. Учрашув якунланганидан сўнг "россонерилар" устози Массимилиано Аллегри ўз фикрларини билдирди.
"Бу рақибга қарши ўйнаш осон эмас, бизга анча қийин бўлди. "Милан" уч очко билан қайтмоқда, бироқ бундай ўйиндан кейин биз албатта ўз ўйинимизни кучайтиришимиз керак. Биз ўз мақсадимиз сари яна бир қадам яқинлашдик", — дея 58 ёшли мутахассиснинг сўзларини келтиради DAZN.
Италия чемпионатининг 24 туридан сўнг (ўйин ўтказилган вақтдаги ҳолат) Аллегри шогирдлари 53 очко жамғариб, турнир жадвалида иккинчи ўринда боришмоқда. Милан жамоаси пешқадам "Интер"дан беш очко ортда қолмоқда.
