Қозоғистоннинг "Қайрат" жамоасида тўп тепаётган ҳимоячи Александр Мартинович УЕФА Чемпионлар Лигаси умумий босқичи доирасидаги ўйиндан сўнг Мадриднинг "Реал" клуби юлдузли ҳужумчиси Килиан Мбаппе билан футболка алмашганини ёдга олди.
"Трибуна ости йўлагида Мбаппедан футболкасини сўрадим, у: "Ҳа, муаммо йўқ", деб жавоб берди ва менга ўз либосини берди. Мен ундан: "Сенга меники керакми?", деб сўрадим. У эса: "Ҳа, албатта", деб жавоб қайтарди", — деди футболчи "Матч ТВ" телеканали эфирида берган интервьюсида.
Эслатиб ўтамиз, "Қайрат" ва "қироллик клуби" ўртасидаги баҳс ўтган йилнинг сентябрь ойида бўлиб ўтган эди. Мадрид гранди Қозоғистон клубини 5:0 ҳисобида мағлуб этган.
