"Тоттенхэм" марказий ҳимоячиси Микки ван де Вен "Барселона"нинг кузатув доирасига тушди.
24 ёшли футболчи тез-тез турли клублар билан боғланиб туради. Эндиликда даъвогарлар қаторида "Барселона" ҳам пайдо бўлди, деб хабар бермоқда "Diario Sport". Каталонияликлар учун нидерландиялик марказий ҳимоячи "жуда қизиқ вариант", бироқ унинг юқори нархи муаммо бўлиши мумкин.
Микки ван де Веннинг "Тоттенхэм" билан шартномаси 2029 йилнинг ўрталарига қадар мўлжалланган. Машҳур "Transfermarkt" портали экспертлари футболчининг қийматини 65 миллион еврога баҳоламоқда.
Жорий мавсумда Ван де Вен "шпорлар" сафида барча мусобақаларда 32 та ўйинда майдонга тушиб, 7 та гол уришга муваффақ бўлди.
