"Tottenxem" markaziy himoyachisi Mikki van de Ven "Barselona"ning kuzatuv doirasiga tushdi.

24 yoshli futbolchi tez-tez turli klublar bilan bog‘lanib turadi. Endilikda da’vogarlar qatorida "Barselona" ham paydo bo‘ldi, deb xabar bermoqda "Diario Sport". Kataloniyaliklar uchun niderlandiyalik markaziy himoyachi "juda qiziq variant", biroq uning yuqori narxi muammo bo‘lishi mumkin.

Mikki van de Venning "Tottenxem" bilan shartnomasi 2029 yilning o‘rtalariga qadar mo‘ljallangan. Mashhur "Transfermarkt" portali ekspertlari futbolchining qiymatini 65 million yevroga baholamoqda.

Joriy mavsumda Van de Ven "shporlar" safida barcha musobaqalarda 32 ta o‘yinda maydonga tushib, 7 ta gol urishga muvaffaq bo‘ldi.