Португалия терма жамоаси собиқ устози Фернанду Сантуш юлдуз ҳужумчи Криштиану Роналдунинг 2003 йилда амалга оширилган "Манчестер Юнайтед"га трансфери ҳақида тўхталиб ўтди.
"Криштиануга унинг маҳорати ва ғайрат-шижоати билан дунёнинг энг яхши футболчиси бўлишини айтганим ёдимда. Орадан бир неча йил ўтиб, Роналду дунёда энг яхши деб тан олинганида жуда фахрлангандим", — дея мутахассиснинг сўзларини келтиради "A Bola" нашри.
41 ёшли Роналду 2023 йилнинг январь ойидан бери Саудия Арабистони чемпионатида "Ан-Наср" шарафини ҳимоя қилиб келмоқда. Криштиану ва Саудия клуби ўртасидаги амалдаги меҳнат шартномаси 2027 йилнинг июнь ойи охирида якунига етади. Унинг бозор қиймати ҳозирда 12 миллион еврони ташкил этмоқда.
