"Наполи"нинг камерунлик ярим ҳимоячиси Андре-Замбо Ангисса ўтган йилнинг ноябрь ойи ўрталарида сафдан чиққан эди. Бу неаполликлар учун катта йўқотиш, шу сабабли жамоа устози Антонио Конте унинг майдонга қайтишини интиқлик билан кутмоқда.
Италиянинг "La Repubblica" нашри аниқлик киритишича, камерунлик футболчи март ойи бошида сафга қайтади. Бу 1 март куни "Наполи"нинг "Верона"га қарши учрашувида ёки, энг кечи билан, 8 март куни "Торино" билан бўладиган ўйинда юз бериши мумкин.
Эслатиб ўтамиз, ҳозирда "Наполи" бошқа мусобақаларда иштирок этмаяпти — Италия клуби Чемпионлар Лигаси ва Италия Кубогини тарк этган.
