«Динамо» жамоаси БААдаги иккинчи йиғини доирасидаги учинчи ўртоқлик баҳсида Россиянинг уч карра чемпиони «Локомотив»га йирик ҳисобда мағлуб бўлди. Биринчи бўлимда 4та гол урилган бўлса, 2-бўлимдаги ўзгаришлардан кейин ҳисоб очилмади.
РПЛ етакчиларидан бирига қарши ўйинда «Динамо» мураббийлар штаби бир қатор ўйинчилар ва турли тактикаларни синовдан ўтказишди. Хусусан, асосий таркибда яримҳимоячи Хислат Халилов чап қанот ҳимоясида синаб кўрилган бўлса, Анваржон Ҳожимирзаев ва яна бир қатор ўйинчилар захирада қолдирилди.
Тажрибали рақиб ўйинни ҳужумкор бошлаб, биринчи бўлимда йирик ҳисобни қайд этди – 4:0.
Иккинчи бўлимдаги ўзгаришлардан кейин самарқандликлар майдонда тенгкураш кўрсатган бўлса-да, йирик ҳисоб қисқармади.
Ўртоқлик ўйини.
14 феврал (чоршанба)
Абу-Даби, The Ritz Carlton
«Локомотив» (Россия) - «Динамо» – 4:0
Голлар: Сергей Пинаев 10, 14, Комличенко 19, Тимофеев 30
«Динамо»: Эдем Неманов, Мауро Бразил, Жалолиддин Жумабоев, Жаҳонгир Ўрозов, Хислат Халилов, Нурилло Тўхтасинов, Расул Йўлдошев, Беҳрузбек Облоқулов, Жаҳонгир Абдусаломов, Азизбек Амонов, Улуғбек Ҳошимов.
Захирадан майдонга тушганлар: Сарвар Каримов, Маҳамаду Дембеле, Улуғбек Абдуллаев, Салим Мустафоев, Драмане Салоу, Тил Мавретич, Бектемир Абдуманнонов, Акбар Худойбердиев, Абдулаҳад Ҳошимов, Фирдавс Абдураҳмонов, Анваржон Ҳожимирзаев.
