"Ливерпуль" қанот ҳужумчиси Муҳаммад Салоҳ мавсум якунланганидан кейин жамоани тарк этиши мумкин.
"Football Insider" нашрининг хабар беришича, мерсисайдликлар мисрлик футболчи билан амалдаги шартноманинг тугашига атиги бир йил қолаётгани сабабли, уни ёзги трансфер ойнасида сотишга тайёрлар. Миш-мишларга ишонилса, 33 ёшли футболчига Саудиянинг "Ал-Иттиҳод" клуби ҳамон жиддий қизиқиш билдирмоқда. Бироқ, Салоҳни ўз сафига қўшиб олиш борасида "Ал-Иттиҳод"га "Ливерпуль"нинг собиқ мураббийи Брендан Роджерс фаолият юритаётган "Ал-Қодисия" клуби рақобат туғдиришни режалаштирмоқда.
Жорий мавсумда Муҳаммад Салоҳ барча турнирларда 26 та ўйинда иштирок этиб, 6 та гол урди ва 7 та голли узатмани амалга оширди. "Transfermarkt" мутахассислари футболчининг қийматини 30 миллион еврога баҳоламоқдалар.
