"Тоттенхэм" ўзининг расмий сайтида Игор Тудорнинг бош мураббий лавозимига тайинланганини эълон қилди. 47 ёшли хорватиялик мутахассис Лондон клуби билан жорий мавсум якунига қадар мўлжалланган шартнома имзолади.
Эслатиб ўтамиз, яқинда "Тоттенхэм" Премьер-лигадаги ёмон натижалар туфайли Томас Франкни истеъфога чиқарган эди. Айни дамда "шпорлар" турнир жадвалида 16-ўринни эгаллаб туришибди.
Игор Тудор октябрь ойи охирида "Ювентус" бош мураббийи лавозимини тарк этганидан бери ишсиз юрган эди.
"Тоттенхэм" навбатдаги ўйинини якшанба куни, 22 февраль куни ўтказади. Шу куни "шпорлар" Шимолий Лондон дербисида "Арсенал"ни қабул қилади.
