Машҳур собиқ ҳужумчи Серхио Агуэро Мадриднинг "Атлетико" ва "Барселона" клубларига бўлган муносабати ҳақида гапириб берди.
Аргентиналик футболчи 2006 йилдан 2011 йилгача "матрасчилар" сафида тўп тепган, "кўк-анорранглилар" шарафини эса фаолиятини якунлашидан олдин ярим йил давомида — 2021 йилнинг июлидан декабригача ҳимоя қилган.
"Мен ҳам "Атлетико"да, ҳам "Барселона"да ўйнаганман. Ростини айтсам, мен "Барса"га чин кўнгилдан ошиқ бўлиб қолганман ва ҳозирда уларни "Атлетико"дан ҳам кўпроқ қўллаб-қувватлайман", — дея Агуэронинг сўзларини келтиради Испания ОАВлари.
Собиқ форвард фаолиятининг катта қисмини "Манчестер Сити"да ўтказган ва у ерда ўн йил давомида тўп тепган.
Пайшанба куни Испания Кубогининг дастлабки ярим финалида "Атлетико" "Барселона"ни тор-мор этди (4:0).
