Италия А Сериясининг 25-туридан ўрин олган баҳсда "Фиорентина" сафарда "Комо" устидан 2:1 ҳисобида ғалаба қозонди.
26-дақиқада флоренцияликлар ярим ҳимоячиси Николо Фаджоли ҳисобни очди. 54-дақиқада эса Мойзе Кин пенальтини аниқ амалга ошириб, меҳмонларнинг устунлигини иккитага оширди.
77-дақиқада Фабиано Паризининг автоголи туфайли майдон эгалари битта жавоб тўпини киритишди. Бундан етти дақиқа аввал "Фиорентина"ни бошқараётган Паоло Ваноли майдондан четлатилган эди.
89-дақиқада "Комо" ҳужумчиси Альваро Мората иккинчи сариқ карточкани олиб, майдонни тарк этди.
"Комо" (41 очко) А Серияда олтинчи ўринда қолмоқда. Сеск Фабрегас жамоаси сўнгги 11 ўйиндаги иккинчи мағлубиятини қабул қилиб олди.
"Фиорентина" (21 очко) эса учта ўйиндан иборат ғалабасиз сериясига чек қўйди ва турнир жадвалида 18-ўринда бормоқда.
Италия А Серияси, 25-тур
14 февраль, 19:00. «Жузеппе Синигалья» стадиони.
«Комо» — «Фиорентина» — 1:2 (0:1)
Голлар: 0:1 – 26 Фаджоли, 0:2 – 54 Кин (пенальти), 1:2 – 77 Паризи (автогол).
«Комо»: Бюте, Кемпф, Рамон, Валье (Морено, 46), Войвода (Какере, 72), Перроне (Мората, 57), Да Кунья, Пас, Батурина, Кюн (Родригес, 46), Дувикас (Аддай, 57).
«Фиорентина»: де Хеа, Понграчич, Раньери, Паризи, Додо, Фаджоли (Ндур, 84), Брешанини, Мандрагора, Соломон, Харрисон, Кин (Пикколи, 84).
Огоҳлантиришлар: Кемпф (49), Родригес (82), Мората (88) — Мандрагора (88), Раньери (90).
Четлатиш: Мората (89, иккинчи сариқ).
