Харри Кейннинг "Вердер" дарвозасига урган иккинчи голи у учун юбилей гол бўлди.
"Бавария" ҳужумчиси Бундеслига доирасидаги учрашувнинг 22-дақиқасида дастлаб ўн бир метрлик жарима зарбасини аниқ амалга оширди, 25-дақиқада эса Луис Диаснинг узатмасидан унумли фойдаланиб, ўйиндан гол урди.
Эндиликда инглиз футболчисининг ҳисобида турли клублар ва терма жамоа сафидаги профессионал фаолияти давомида киритилган 500 та гол мавжуд. Уларнинг 100 таси пенальти орқали амалга оширилган.













