Мадриднинг "Реал" клуби устози Альваро Арбелоа Ла Лиганинг шанба кунги "Реал Сосьедад"га қарши ўйинида майдонга тушмаган ҳужумчи Килиан Мбаппе ҳақида гапирди. Пойтахт гранди 4:1 ҳисобида ғалаба қозонган бўлса-да, жамоа тўпурари баҳсни захира ўриндиғидан кузатиб борди ва ўйинга қўшилмади.
"Мбаппе билан ҳаммаси жойида. У сешанба куни "Бенфика"га қарши кечадиган баҳсда асосий таркибда майдонга тушишга тайёр бўлади. Биз бугун кечқурун унинг соғлиғини хавф остига қўйишни истамадик", — дея Арбелоанинг сўзларини келтирмоқда "Madrid Universal".
"Қаймоқранглилар"нинг "Бенфика"га қарши бўлажак учрашуви Чемпионлар лигаси плей-офф босқичининг ўтиш ўйинлари доирасида Лиссабонда бўлиб ўтади. Жавоб ўйини 25 февраль куни "Сантьяго Бернабеу" стадионида ўтказилади.
