«Манчестер Юнайтед»нинг собиқ ҳимоячиси Уэс Браун Маркус Рэшфорд ҳақида фикр билдирди. 28 ёшли вингер ҳали ҳам «қизил иблислар»га тегишли бўлса-да, жорий мавсумни ижара асосида «Барселона»да ўтказмоқда.
«Маркус — шу ерлик йигит ва «Манчестер Юнайтед»да унинг раҳбарият билан муаммолари борлиги аён эди. Футболда баъзида шундай воқеалар бўлиб туради, биз бунга илгари ҳам гувоҳ бўлганмиз. Рэшфорд «Барселона»да ўзига нисбатан бўлаётган босимни яхши енгиб ўтмоқда», — дея «Mundo Deportivo» Брауннинг сўзларини келтирмоқда.
Маркус Рэшфорд «кўк-анорранглилар» сафида 34 та учрашувда майдонга тушиб, ўнта гол ва 13 та голли узатмани амалга оширди.
