Дортмунднинг "Боруссия" клуби ҳимоячиси Нико Шлоттербекка Англиянинг "Ливерпуль" жамоаси қизиқиш билдирмоқда. Бу ҳақда журналист Экрем Конур хабар берди.

Манбанинг маълумотларига кўра, Шлоттербек клуб билан амалдаги меҳнат шартномасини узайтиришни рад этганидан сўнг, "Боруссия" ўз футболчисини сотишга тайёрлигини билдирган. Таъкидланишича, "Ливерпуль" ёзги трансфер ойнасида ҳимоячи учун 50 миллион евро таклиф қилишни режалаштирмоқда. Шунингдек, Мадриднинг "Реал" клуби ҳам Шлоттербекка жиддий қизиқиш кўрсатмоқда.

Жорий мавсумда 26 ёшли Шлоттербек барча турнирларда жами 26 та ўйинда иштирок этди, учта гол урди ва ўз ҳисобига иккита голли узатмани ёздириб қўйди.