Испания Ла Лигасида Мадриднинг "Реал" клуби ўз майдонида "Реал Сосьедад"ни 4:1 ҳисобида мағлуб этди. Ушбу ўйинда Винисиус Жуниор иккита пенальтини аниқ амалга ошириб, дубль қайд этди. Ўн бир метрлик нуқтадан зарба бериш олдидан Винисиус худди "Арсенал"нинг собиқ футболчиси Жоржиньо каби кичик сакрашни амалга оширди.

Ўйиндан кейинги куни Винисиус ижтимоий тармоқларда ўз зарбаси акс этган фотосуратни эълон қилди ва Жоржиньонинг саҳифасига ҳавола қолдириб, унга мурожаат қилди. "Реал" юлдузи ҳеч нарса ёзиб ўтирмади, фақатгина иккита — кулиб турган ва ўйланиб қолган эмодзиларни қўшиб қўйди.

"Реал" навбатдаги ўйинини 17 февраль куни Чемпионлар лигаси доирасида сафарда "Бенфика"га қарши ўтказади.